...É sa fèt adan on bat zyéAn té ja vlé santi lèv a-w si tan mwenPou konnèt dousé a yo, savè a yoFè lang an nou liyanné kon dévoranOn fwa on fwa, an tèt an mwen, an fè lantou a kò a-w.Annou palé dè lanmou an lang kréyòl Gwadloup : lanmou a tout, an tèt é an kò. Palé san chichi san tralala.On fanm désidé mété kréyòl douvan adan réyalité a lavi onlo moun té ké vlé gadé anba fèy : plézi, karès, lanvi, santiman fò...Avè on kréyòl doubout ki bèl, ki dous. Avè on kréyòl ki ka sòti an fenfon kè, an zantray an nou, san tabou, san pwan gad, i chwazi fè lang la rantré natirèlman ola bon enpé moun jijé fò i rété dèwo a kabann, a plézi, a swé a lanmou, pou montré jan lang an nou pé rantré adan tout karé a lavi, pou mété-y a lonè, gloryé-y é pa wont li.Sé on grenn sèl pou kréyòl pwan tout plas a-y é tout valè a-y.
