Siñfonienn ar frankiz
Pegen kaer eo inizi Bro-Hellas dindan an heol en hañv gant ar mor glas tro-dro dezho ! Met piv a oar ez eus bet enno kampoù-bac’h n’eus ket keit-se ?Kement ha gouzout hiroc’h ez eomp da heul Demokritos, ur soner bouzouki, war roudoù e vestr, ar sonaozer brudet Mikis Theodorakis, a zo aet d’an Anaon e miz Gwengolo 2021.Ur romant faltazi gant darvoudoù gwirion an hini eo, un odise, un imram war hentoù luziet istor an demokratelezh, ur brederiadenn war gwrizioù don mab-den hag ur mod da dizhout ar frankiz dre ar sonerezh hag ar varzhoniezh.Hag ouzhpenn-se un darempred nez-kar etre an div dudenn bennañ…
